Mae Lloegr wedi trechu Cymru 30 – 17 yn Twickenham ar ôl dwyn cais ym munudau olaf y gêm.
Roedd Cymru wedi brwydro’n ôl o 20-3 ar ei hol hi yn fuan ar ôl hanner amser gyda cheisiau gan Adam Jones a James Hook.
Ond gyda’r sgôr yn 20-17 a Chymru’n gweld cyfle i ennill y gêm fe wnaeth Delon Armitage ryngipio pas Stephen Jones a rhyddhau James Haskell am ei ail gais o’r gêm.
Serch hynny y Cymro Alun Wyn Jones oedd seren y gêm i Loegr, ar ôl iddo faglu Dylan Hartley yn gwbl ddiangen a chael ei yrru i’r gell gosb. Sgoriodd Lloegr 17 pwynt yn ei absenoldeb.
Fe wnaeth ceisiau bob ochor i hanner amser gan James Haskell a Danny Care sicrhau mai Lloegr oedd mewn rheolaeth gydol y gêm, ac fe giciodd Jonny Wilkinson 15 pwynt.
Perfformiad gwael oedd hi gan y ddau dîm ar y cyfan, gyda chamgymeriadau elfennol yn torri ar lif y chwarae. Roedd llinell Cymru yn llanast llwyr.
Ciciodd Stephen Jones gic gosb a dau drosiad ond methodd James Hook ddwy gic o bellter.
Wnaeth Lloegr ddim ymosod fel yr oedd eu hyfforddwr Martin Johnson wedi ei addo, ond diolch i gamgymeriadau Cymru doedd dim angen gwneud.
Marciau allan o ddeg
Cymru:
LEE BYRNE: Dim lot o gyfle i ymosod, ond roedd ei gicio’n gywir. 6/10.
TOM JAMES: Roedd o’n gorfforol yn y dacl cyn cael ei ddisodli gan Leigh Halfpenny. 6
JAMES HOOK: Fe wnaeth o sgirio cais ond fel arall doedd ei sgiliau ymosodol ddim yn amlwg. 8
JAMIE ROBERTS: Llond llaw i amddiffyn Lloegr. 7
SHANE WILLIAMS: Dim digon o feddiant i wneud dim. 6
STEPHEN JONES: Sgoriodd gic gosb a dau drosiad ar ôl cymryd drosodd gan James Hook. 6
GARETH COOPER: Penderfynol ond ddim cystal â Peel a Philips. 6
PAUL JAMES: … ddim cystal â Gethin Jenkins. 7
GARETH WILLIAMS: … ddim cystal â Matthew Rees. 5
ADAM JONES: Fe wnaeth o sgorio cais a rheoli Tim Payne yn y sgrym. 7
ALUN-WYN JONES: ‘Twpsyn’, yn ôl Warren Gatland. 2
LUKE CHARTERIS: Llanast yn y llinell. 4
ANDY POWELL: Mae o’n dal i roi gormod o giciau cosb i’r tîm arall. 5
MARTYN WILLIAMS: Perfformiad gwych yn yr hanner cyntaf ond dyw’r dyn ddim yn gallu ennill gemau ar ei ben ei hun. 7
RYAN JONES: Roedd angen iddo ddeffro Cymru ar brydiau. 7
Eilyddion:
Bradley Davies – 5
Huw Bennett – 6
Leigh Halfpenny – 6
Richie Rees – 5
Jonathan Thomas – 5
Lloegr
DELON ARMITAGE -6
MARK CUETO – 7
MATHEW TAIT – 7
TOBY FLOOD – 6
UGO MONYE – 7
JONNY WILKINSON – 7
DANNY CARE – 8
TIM PAYNE – 6
DYLAN HARTLEY – 7
DAVID WILSON – 7
SIMON SHAW – 7
STEVE BORTHWICK – 7
JAMES HASKELL – 8
LEWIS MOODY – 7
NICK EASTER – 8
Eilyddion:
Dan Cole – 7.
Steve Thompson – 6.
Louis Deacon – 6.
Steffon Armitage – 5.
Paul Hodgson – 5.
Dan Hipkiss – 5.