Hywel Wyn Edwards sy’n dweud hwyl fawr i un Eisteddfod, gan ddechrau edrych ymlaen i’r nesaf…

Wel, fe dynnwyd y Pafiliwn Pinc i lawr ac fe gaeodd y stondinau am flwyddyn arall.  Aeth y Gadair a’r Goron i gartrefi newydd, a chafodd y corau a’r bandiau dipyn o hoe ar ôl yr holl gystadlu.  A hoe oedd hanes staff yr Eisteddfod hefyd, ar ôl i bopeth ddod i ben.  Lle digon unig a thrist yw Maes yr Eisteddfod fore Sul ar ôl i’r cyfan ddod i ben.  Ychydig o lanast sydd ar ôl; y geriach a adawyd ar ôl gan stondinwyr.  Ond mae’r atgofion yn parhau.  Does dim angen y Pafiliwn Pinc i atgoffa pobl Blaenau Gwent a Blaenau’r Cymoedd bod yr Eisteddfod wedi’i chynnal yn yr ardal eleni – er bod nifer wedi bod yn awyddus i’w gadw yno!

Ond mae taith y Pafiliwn Pinc yn parhau, a pharhau hefyd y mae’n taith ninnau.  Yr wythnos nesaf, byddwn yn cerdded y tir yn Fferm Bers Isaf, Wrecsam.  Mae cerdded y tir yn rhan bwysig o’r paratoadau ar gyfer yr Eisteddfod, er mwyn i ni sicrhau ein bod yn adnabod pob modfedd o’r tir, ac y flwyddyn nesaf, byddwn yn dychwelyd at dir amaethyddol.

Dechrau eto y bydd ymarferion y Côr  yn Wrecsam ymhen rhai wythnosau, nos Sul 26 Medi, ac mae ffons y swyddfa eisoes yn brysur gyda phobl eisiau copїau cerddoriaeth er mwyn dechrau ymarfer ar gyfer y flwyddyn nesaf, ac mae nifer fawr eisiau gwybodaeth am garafanio ac am lety yn ardal Wrecsam.  Efallai eich bod yn teimlo bod hyn yn gynnar iawn, ond dydi o ddim mewn gwirionedd.

Wyddoch chi mai dim ond un ar ddeg wythnos a hanner sydd i fynd cyn y dyddiadau cau cyntaf – llai na thri mis!  Mae’n rhaid i bob cais ar gyfer y Fedal Ryddiaith a Gwobr Goffa Daniel Owen ein cyrraedd ni erbyn 1 Rhagfyr.  Felly, os ydych chi am lwyddo fel Grace Roberts neu Jerry Hunter yn Wrecsam y flwyddyn nesaf, gobeithio’n arw eich bod wrthi’n brysur yn ysgrifennu erbyn hyn!

Ac unwaith mae’r dyddiadau cau’n cychwyn, mae’r holl brysurdeb cystadleol yn dychwelyd, gyda’r prosesu, y beirniadu ac yn y blaen yn llenwi oriau staff am fisoedd lawer, a dyw’r gwyliau fis Awst a’r cyfle i asesu a gwerthuso’r Brifwyl ym mis Medi’n ddim ond atgof.

Mae 2011 yn argoeli i fod yn ddiddorol am nifer o resymau.  Nid yn unig mae’r Eisteddfo yn dychwelyd i Wrecsam, tref a fu’n gartref i’r Brifwyl ddiwethaf yn 1977, ond mae’r Eisteddfod ei hun hefyd yn dathlu pen blwydd go arbennig.  Byddwn yn dathlu 150 o flynyddyoedd ar ein ffurf bresennol.  Ar hyn o bryd, rydym wrthi’n brysur yn trefnu’r gweithgaredd a’r ymgyrch i ddathlu, a byddwn yn sicr o rannu’r cyfan yn y blog hwn dros yr wythnosau nesaf.

Mae’n argoeli i fod yn gyffrous, yn uchelgeisiol, ac yn mynd i ychwanegu at naws arbennig Wrecsam a’r Fro.  Eisoes bu peth gwaith paratoi, gyda’r elfen o ddathlu’n rhedeg fel edau drwy destunau Eisteddfod 2011, felly, dros y misoedd nesaf – ac yn enwedig ymhen deg mis a hanner, cawn weld pwy fydd yn dathlu go iawn, pan fydd y golau’n pylu a’r corn gwlad yn atsain drwy’r Pafiliwn.  Ond cyn llwyddo, rhaid cofio anfon y gwaith atom – felly, cofiwch da chi – un ar ddeg wythnos a hanner tan y dyddiad cau cyntaf!

Mae hen ddigon yn ac wedi cael ei ddweud am ymgyrch Treganna ac af fi ddim i ymhelaethu rhagor ar yr ymgyrch yn yr eisteddfod, gallwch ddarllen am hynny yma. Ond mae’r posteri oedd ar ei stondin nhw’n y steddfod wythnos diwethaf werth ei dangos. Marciau llawn am wreiddioldeb!

Cwrddes i â phersonoliaeth a hanner bnawn Sadwrn, Dai o Abersychan. Fel amryw i un yn ystod yr wythnos, yn clywed criw o Gymry ifanc yn siarad Cymraeg yn rhwydd, fe ddaeth aton ni i holi’n hanes wrth i ni yfed peint bach tawel wrth y bar. Yn fuan iawn, roedd yn egluro pam ei fod yno ar Sadwrn ola’r steddfod gyda’i beint unig yn gwrando ar gerddoriaeth Dafydd Iwan.

My friends asked me last night, “What are you doing tomorrow Dai?” I said “I’m going to the Eisteddfod. £15 and I get to see Dafydd Iwan AND Meic Stevens. Bargain!” They think I’m crazy but it’s good music isn’t it? I don’t need to understand the words.

Roedd e wrth ei fodd. Roedd wedi ymuno â Phlaid Cymru yn y prynhawn ac wedi cael gwir flas ar rialtwch y maes. Yn ei law roedd onnen fechan a gafodd am ddim gan yr Ymddiriedolaeth Coedwigaeth a bellach roedd wedi cael lle ar y fainc i werthfawrogi’r gerddoriaeth wrth iddi nosi. Mae ei wybodaeth o wleidyddiaeth Cymru’n helaeth [bu wrth gwrs drafod ar y refferendwm i gyfeiliant DI] ac er ei fod yn sicr wedi cyrraedd canol oed, mae wrthi’n dysgu ychydig o Gymraeg ac yn dweud yn falch “Gof ydw i.” Roedd yn meddwl bod yr Eisteddfod yn rhyfeddod.

Ei dro cyntaf ar y maes oedd y dydd Mawrth cynt, pan ymwelodd gyda’i fodrabedd. Doedd yr un o’r ddwy’n siwr os oedden nhw eisiau mynd i’r pair Cymreictod oedd wedi glanio ar eu stepen drws -nid welshies mohonyn nhw wedi’r cyfan -ond fe gawson nhw eu perswadio. Erbyn iddyn nhw gerdded hanner ffordd hyd y maes, roedd un fodryb am ddysgu Cymraeg. Roedd yr ail yn dal i fod yn amheus. Erbyn gwneud cylchdro cyfan, roedd hi hefyd ar dasg i ddysgu’r Gymraeg. 

Does dim gwadu, fe ges i fy nghythruddo’n llwyr gan y bobol oedd yn cwyno bod Glyn Ebwy’n rhy bell i eisteddfodwyr y gogledd a’r gorllewin (Sut felly y daethon nhw i Gaerdydd, sy’n bellach?!) ac fy nghythruddo’n fwy fyth gan y lleiafrif oedd yn dweud bod Cymry Glyn Ebwy a’r de orllewin sydd wedi colli eu Cymraeg ddim yn “Gymry go iawn.” Fel merch o Gaerdydd a chynnyrch ysgol lle roedd y mwyafrif o’r disgyblion yn dod o deuluoedd di-Gymraeg, alla i ddim a deall y feddylfryd honno na sut y mae’r bobol yna’n meddwl y gall y Gymraeg oroesi heb bobol sy’n barod i’w dysgu hi, pobol na sydd mor ffodus â nhw i fod wedi ei geni i deuluoedd Cymraeg ei hiaith. Beth bynnag, roedd y sgwrs â Dai o Abersychan yn ddigon i brofi’r amheuwyr yn hollol, gwbl anghywir. Dylai pawb fod wedi dod eleni. Cymry go iawn sydd yng Nglyn Ebwy. Llongyfarchiadau Blaenau Gwent, Steddfod ffantastig.

Dylan Iorwerth yn edrych yn ôl ar wythnos yng Nglyn Ebwy.

Un arall heibio. Un dda. Un a fyddai’n well fyth pe bai’r holl eisteddfodwyr arferol wedi dod.

A rhyw feddyliau fel hyn sy’n crynhoi …

Sadwrn

Mi ddechreuodd yn Rassau a’r math o olygfa fyddai’n bwydo rhagfarnau’r rhai a gadwodd draw … anialdir o faes parcio. Ond roedd y bysys yn gweithio’n dda a’r gyrwyr yn glên.

Rhagor o fwydo rhagfarn … storis yn lledu am ddwyn ar y maes carafanau. “Dim byd newydd,” meddai’r Eisteddfod a fuodd yna ddim sôn am broblemau ar ôl hynny.

Os nac oedd yna laswellt dan draed, roedd yna ddigon ar y bryniau o gwmpas – cefn gwlad efo pentrefi di-ddiwydiant ydi’r Cymoedd erbyn hyn, yn hytrach na phentrefi diwydiannol rhwng bryniau.

Mae’r gwaith adfywio yn yr hen waith dur lle’r oedd yr Eisteddfod yn anferth … canolfan addysg, ysbyty, canolfan dreftadaeth, tai gwyrdd, llefydd hamdden …. a channoedd o dai. Neis iawn – ond lle bydd y gwaith.

Tros ddau gan mlynedd mae’r ardal wedi gweld dau chwyldro – at ddiwydiant ac yn ôl. Bellach mae patrwm newydd clir – mae’ diwydiant a siopau ar hyd ffordd fawr Blaenau’r Cymoedd neu i lawr yn nhrefi mawr y gwastadedd.

Sul

Codi’r babell ar y Maes Carafanau. Trydan am y tro cynta’ erioed. Teimlo’n swanc.

I lawr i wrando ar Gwibdaith Hen Frân ym Maes C – a chyrraedd toc wedi naw … yn rhy hwyr. Wedi prynu tocyn am 8.00 ond neb wedi boddran dweud. Diolch yn fawr.

Maes C yn handi ond un golled fawr ydi’r cysylltiad efo’r ardal leol. Un o’r pleserau erstalwm oedd dod i nabod tafarndai – a phobol – yn y gwahanol lefydd.

Llun

S4C yn rheoli’r newyddion – fel tân yn sugno’r ocsigen o bopeth arall. Y sianel yn gwrthod ateb dim am ymadawiad y Brif Weithredwarig Iona Jones. Gwrthod dweud hyd yn oed a oedd hi ar gytundeb neu staff. Boncyrs.

Maen nhw’n sicrhau bod y stori’n mynd ymlaen ac ymlaen … ac y daw hi’n ôl. Tydi gwleidyddion ddim yn licio, ar adeg pan mae angen cefnogaeth gwleidyddion a, phan ddaw’r gwir i’r wyneb – fel y bydd rhaid iddo fo – mi fydd un o ddau beth yn digwydd. Mi fydd pawb yn dweud be oedd y ffỳs a’r sianel yn edrych yn wirion, neu mi fydd hi’n amlwg fod pethau wedi mynd yn draed moch.

Lol yn llawn stwff am y sianel. Ychydig oedd yn hollol newydd ond rhai pethau wedi’u dweud oedd heb eu cyhoeddi o’r blaen. Darn am Golwg360 hefyd – gobeithio bod y ffeithiau’n nes ati yn stori S4C.  Er mwyn cofnodi, mae ffigurau ymwelwyr y safle bellach yn croesi 3,000.

Glenys Roberts yn ennill y Goron. Grêt. Enw newydd i’r rhan fwya’. Ond mae yna dawelwch cynnil yn y cerddi – yn fy atgoffa fi o’r cerddi a enillodd y Goron i Christine James. Llai o orchest nag sydd yng ngherddi dynion.

Gyda’r nos. Huw M, diddorol a swynol. Tecwyn Ifan – fel diwygiad! Pobol yn dawnsio a lot o hwyl.

Mawrth

Yn ôl i Lanbed i glirio ambell i beth. Yn ôl wedyn i Lyn Ebwy i gadeirio sesiwn lle’r oedd dau o benaethiaid S4C yn wynebu’r ‘dorf’. Wedi disgwyl sesiwn stormus … paratoi yn fy meddwl sut i handlo heclo a holwyr blin. Cyfarfod ymlaen llaw i drafod y drefn – ond gadael cyn iddyn nhw ddechrau briffio’i gilydd … gan mai cadeirydd annibynnol o’n i, do’n i ddim eisio gwybod. Fel y digwyddodd hi, roedd y cyfarfod yn ofnadwy o fflat. Fawr neb yn gwybod, falle? Llawer oedd yno’n rhan o’r busnes. Yr un neges glir oedd, gwell safon na llenwi amser – rhaglenni da nid lot o rai sâl.

Gyda’r nos – Geraint Lovgreen ar ei orau ym Maes C – Elwyn Williams ar y gitâr yn ychwanegu lot a phob cân yn gweithio. Wedyn ail symudiad Ail Symudiad – y band o Aberteifi’n ôl. Richard y canu’n gry’, yn amlwg yn mwynhau. Y drymar a’r gitarydd rhyddm yn edrych yn rhyfeddol o ifanc o hyd … nes sylweddoli mai meibion Richard oedden nhw. Licio’r drymar yn arbennig – rhyddmau soffistigedig, drymio’n gynnil a thynn … o’r hyn wn i.

Mercher

Mynd i dynnu lluniau yn rhai o’r Cymoedd … rhesi tai’n hongian ar y llethrau … erstalwm roedden nhw’n tyrru uwchben y gweithfeydd a’r pyllau glo. Erbyn hyn fel llinell y llanw wedi’r trai. Adeiladau bric coch pwll y Navigation yn amlwg o hyd yng Nghrymlyn ac olion o hen brysurdeb yn Abertyleri, ond y siopau’n dlawd.

Enillydd annisgwyl arall ar y Fedal Ryddiaith. Yr Americanwr cynta’ erioed. Ffotograffwyr yn cwyno nad oedd Jerry Hunter yn gwenu … ond roedd modd gweld y nerfusrwydd a’r balchder. Tipyn o beth … ail iaith, ail genedl, prif wobr.

Iau

Pobol ifanc yn anhapus. Addewid o fysys o Maes B i Maes C yn yr oriau mân ond rhywbeth wedi mynd o’i le neithiwr. Yr Eisteddfod yn addo holi … un gyrrwr heb ddod i’w waith, un arall wedi gorfod rhoi’r gorau iddi oherwydd y tacograff. Bos y cwmni wedi dod i’r adwy yn y diwedd – ond bwlch o rai oriau heb fysys. Trefniant munud olaf oedd o beth bynnag – angen meddwl mwy am ddiogelwch pobol ifanc.

Taro ar yr Archdderwydd – stafell y Cyngor drws nesa i stafell y Wasg – yntau’n condemnio’r Eisteddfodwyr pybyr oedd wedi cadw draw. Rhai’n cynnal y myth o Gymru a Sir Fynwy, meddai. Problem y gwrth-Gymraeg oedd hi … ein problem ni erbyn heddiw.

Emyr Lewis, y Prifardd a’r cyfreithiwr, yn rhoi darlith glir am y Mesur Iaith … rhagor fory. Ond lein orau’r pnawn – yr angen i ymgyrchwyr parchus yr iaith fod yn fwy llafar ac i ymgyrchwyr llafar beidio ag ofni bod yn barchus … neu ddisgyn rhwng dau Ffred.

Gyda’r nos – dwy ddrama gan Aled Jones Williams mewn theatr a fu’n sinema yn ardal Cendl (Beaufort). Cynullleidfa wan, dramâu cry’. Mynd yn fwy anodd i drefnu pethau ymylol. Wedi gweld Chwilys o’r blaen – taro ar ein paranoia cyfoes. Merched Eira am ddwy hen wraig yn drysu … llinellau da fel arfer a rhyw anobaith melys.

Gwener

Cadeirio trafodaeth i’r Cynulliad – tynged newyddiadurwyr sydd heibio’u selbei mae’n rhaid – cadeirio cyfarfodydd. Weithiau mae’n anodd cael pobol i drafod ond sawl sylw da y tro yma, a Meri Huws (Bwrdd yr Iaith) ac Emyr Lewis (gweler uchod) yn glir a chadarn. Dafydd El yn cloi efo ymfflamychu nodweddiadol a oedd hefyd yn help fawr o ran egluro be ydi’r drefn.

Swm a sylwedd pethau:

• Mi fydd rhaid i’r Llywodraeth gynnwys cymal sy’n cryfhau statws y Gymraeg (efo un arall i wneud yn siŵr bod modd o hyd i wneud pethau arbennig i hyrwyddo’r iaith, heb orfod gwneud yr un peth i’r Saesneg.
• Mae peryg i’r syniad o safonau fod yn gymhleth ofnadwy a chreu mwy o ddryswch. Mae’n ymddangos i fi mai’r peth call fyddai cael safonau i osod yr isafswm sydd raid i gyrff cyhoeddus a chwmnïau gwasanaethau cyhoeddus ei wneud, efo cynlluniau iaith o hyd i fanylu ar ddyletswydd pob un.
• Pawb o blaid cadw Bwrdd yr Iaith neu rywbeth tebyg. Emyr Lewis yn rhybuddio pawb rhag gwneud ffetish o basio cyfreithiau. Adnoddau i hyrwyddo a hybu gwasanaethau go iawn trwy’r iaith ydi’r peth pwysicaf.

Un peryg – wrth gondemnio’r mesur, mae yna beryg fod pawb yn rhoi’r argraff fod cynlluniau iaith yn llwyddiant ysgubol. Tydyn nhw ddim, ond eisiau eu cael nhw i weithio sydd. Ac mae angen mynd â ‘chynllunio iaith’ – hynny ydi, ffeindio ffordd o gael pobol i’w defnyddio – i lefel arall.

Y Gadair. Awdl i Hywel Teifi. Cael trafferth ar y darlleniad cynta’ … gwella yr ail dro … cael gafael arni ar y trydydd. Diddorol a gwreiddiol.

Gyda’r nos. Tafarn leol o’r diwedd. Y Prince of Wales. Pobol leol yn sgwrsio,  stecen dda am bris rhesymol. Trio mynd i weld Meic Stevens yn y clwb rygbi, y tocynnau i gyd wedi mynd. Ond MS yn y Bridgend o flaen llaw, yn sobor a thaclus a phenwyn  – fel blaenor Methodus … bron iawn.

Sadwrn

Dim Eisteddfod … Gŵyl Jazz Aberhonddu … blog arall yn sôn am fan’no.

Y rhai a gadwodd draw’n fwriadol? Tyff, mi golloch chi Eisteddfod dda. Ac mi golloch chi’r cyfle i roi hwb i ardal lle mae pendil yr iaith yn symud.

Mae uchafbwynt calendr celfyddydol Cymru, yr Eisteddfod Genedlaethol,  wedi cyrraedd! I’r rhai ohonoch chi sydd ddim yn or-gyfarwydd â ardal  yr Eisteddfod eleni, mae Golwg360 yn falch iawn i lansio cyfres o  glipiau byr yn cyflwyno Glyn Ebwy a’r ardal cyfagos i chi. Dyma’r olaf ohonyn nhw – canllaw i faes yr Eisteddfod ei hun!

Mae’r gyfres yn ganlyniad prosiect ar y cyd rhwng Golwg360 a chriw i  fyfyrwyr Prifysgol Llanbed sydd wedi ei weinyddu gan GO Wales, gyda’r  bwriad o roi profiadau proffesiynol newydd i’r myfyrwyr. Diolch i GO  Wales, ac yn arbennig i’r myfyrwyr Susanna Bowen, Luke Adams a Richard  Beecher am eu holl waith.

Holl ganlyniadau Eisteddfod Genedlaethol Glyn Ebwy a Blaenau Gwent wrth iddyn nhw gyrraedd…

Dydd Sadwrn

Grŵp Offerynnol Agored

Cymdeithas Eisteddfodau Cymru
Deuawd dros 12 a than 25 oed

Côr Meibion rhwng 20 a 45 mewn nifer

Unawd Cerdd Dant dros 21 oed

Gwobr Goffa Llwyd o’r Bryn

Côr Meibion dros 45 mewn nifer

Côr yr Ŵyl

Gwobr Goffa David Ellis

Cystadleuaeth Tlws Coffa Lois Blake

Gwobr i’r Cerddor neu Gerddorion

Dydd Gwener

Deuawd, Triawd neu Bedwardawd Stepio

Parti Llefaru hyd at 16 o Leisiau

Canu Emyn Dros 60 oed

Unawd Yr Hen Ganiadau Dros 25 oed

Dawns Stepio i Grwp

Llefaru Unigol Dros 25 oed

Parti Cerdd Dant heb fod dros 20 mewn nifer

Unawd Mezzo Soprano Dros 25 oed

Llefaru Unigol 19-25 oed

Can Unigol i Ddysgwyr

Rhuban Glas Offerynnol Dan 16 oed

Parti Dawns Werin dan 25 oed

Unawd Offerynnol Pres 16-19 oed

DyddIau

Tlws Cymdeithas Dawns Werin Cymru

Unawd Piano dan 16 oed

Unawd Soprano Dros 25 oed

Unawd Bas Dros 25 oed

Parti Dawns Werin dan 25 oed

Llefaru Unigol i Ddysgwyr

Deialog Agored

Cyflwyniad ar Lafar ac ar Gân

Deuawd Cerdd Dant dan 21 oed

Llefaru Unigol 16-19 oed

Dydd Mercher

Unawd Chwythbrennau 16-19 oed

Monolog i rai 12-16 oed

Deuawd Offerynnol Agored

Unawd Lieder 19-25 oed

Unawd Gymraeg 19-25 oed

Unawd Sioe Gerdd dan 19 oed

Unawd Oratario 19-25 oed

Dawns Unigol i Fechgyn

Unawd Operatig 19-25 oed

Unawd Alaw Werin 16-21 oed

Unawd Cerdd Dant 16-21 oed

Llefaru Unigol o’r ysgrythyr dan 16 oed

Dawns Unigol i Ferched

Rhuban Glas Offerynol 16 – 19 oed

Dydd Mawrth

Medal Syr T.H. Parry-Williams

Unawd i Fechgyn 12-16 oed

Dawnsio Disgo Agored i Grŵp

Cystadleuaeth Goffa John Weston Thomas

Unawd Piano 16-19 oed

Daws Greadigol Unigol

Unawd i Fechgyn 16-19 oed

Unawd i Ferched 16-19 oed

Unawd Cerdd Dant 12 – 16 oed

Dawnsio Disgo Unigol

Unawd Alaw Werin 12-16 oed

Llefaru Unigol 12-16 oed

Grŵp Offerynol Lleisiol

Côr Pensiynwyr dros 60 oed

Unawd i Ferched 12-16 oed

Grŵp Llefaru (2-6) mewn nifer

Dydd Llun

Englyn

Pum Englyn Milwr

Pum Englyn Penfyr

Telyneg

Soned

Cerdd Gaeth

Cerdd Rydd

Cerdd Ddychan

Casgliad o 100 o gerddi o gerrig beddau

Y Goron

Dawnsio Creadigol i Grŵp

Unawd Werin dan 12 oed

Unawd dan 12 oed

Rhuban Glas Offerynnol dros 19 oed

Dawnsio Disgo agored i bâr

Llefaru Unigol dan 12 oed

Unawd Chwythbrennau dros 19 oed

Unawd Telyn Dros 19 Oed

Unawd Llinynnau Dros 19 Oed

Deialog Agored i rai dan 25 Oed

Unawd Cerdd Dant dan 12 oed

Dydd Sul

Bandiau Pres Pencampwriaeth/Dosbarth 1

Cyfeilio ar y piano

Côr hyd at 35 o leisiau

Unawd Piano dros 19 oed

Unawd offeryn pres dros 19 oed

Dydd Sadwrn

Bandiau Pres Dosbarth 4

Bandiau Pres Dosbarth 3

Bandiau Pres Dosbarth 2

Côr Cymysg dros 45 mewn nifer

Y Fedal Aur am Gelfyddyd Gain

Y Fedal Aur am Grefft a Dylunio

Y Fedal Aur am Bensaernïaeth

Ar ôl wythnos o gystadlu brwd, daeth hi’n amser i benderfynu,  ar enillydd cystadleuaeth Sgiliau Samba golwg360.com.  Criw Ar y Marc, BBC Radio Cymru sydd wedi cael yr anrhydedd o feirniadu’r sialens ac fe gyhoeddwyd yr enillydd lwcus a dawnus ar ei sioe byw bore ‘ma.  Yn nhraddodiad yr Eisteddfod dyma gyhoeddi y rhai oedd yn gyntaf, ail a thrydydd isod-

1. Gethin

2. Caleb

3. Ion

Os nad ydych chi wedi gweld eu triciau trawiadol, sgroliwch i lawr…

Trwy gydol yr wythnos mae Golwg360.com yn rhedeg cystadleuaeth Sialens Sgiliau Samba i ffeindio tric pél-droed gorau maes yr Eisteddfod. Bydd clipiau ffilm o’r cystadleuwyr yn gwneud eu triciau yn ymddangos yma.

Dydd Gwener 6ed o Awst

Sgiliau Llyr

Sgiliau Gwion-

Sgiliau Brigyn-

Sgiliau Gruffydd-

Sgiliau Meilyr -

Dydd Iau 5ed o Awst

Sgiliau Vladamir

Sgiliau Miriam

Chwaraewyr y Dreigiau yn dangos ei sgiliau pel droed!!

Sgiliau Ion -

Sgiliau Caleb-

Sgiliau Jeff

Sgiliau Aled Brew-

Sgiliau Gethin-

Dydd Mercher 4ydd o Awst

Sgiliau Dewi

Sgiliau Emyr

Sgiliau Daniel

Sgiliau Aled

Dydd Mawrth 3ydd o Awst

Sgiliau Steffan

Sgiliau Katherine

Sgiliau Osian

Sgiliau Rhys

Sgiliau Only Boys Aloud

Sgiliau Colin

Dydd Llun 2 Awst

Sgiliau Trystan

Sgiliau Jake

Geraint Lloyd yn dangos ei ddoniau.

Dydd Sadwrn 31 Orffennaf

Prif Weithredwr Golwg360.com, Owain Schiavone, yn rhoi ymgais gyntaf ar dric!

Mae uchafbwynt calendr celfyddydol Cymru, yr Eisteddfod Genedlaethol, ar y gorwel ac mae’r trefnydd, Hywel Wyn Edwards, wedi bod yn flogiwr rheolaidd i Golwg360 dros y misoedd diwethaf. I’r rhai ohonoch chi sydd ddim yn or-gyfarwydd â ardal yr Eisteddfod eleni, mae Golwg360 yn falch iawn i lansio cyfres o glipiau byr yn cyflwyno Glyn Ebwy a’r ardal cyfagos i chi. Bydd yna glip newydd bob wythnos yn arwain at yr Eisteddfod, yn ogystal â un arbennig o’r wythnos ei hun.

Mae’r gyfres yn ganlyniad prosiect ar y cyd rhwng Golwg360 a chriw i fyfyrwyr Prifysgol Llanbed sydd wedi ei weinyddu gan GO Wales, gyda’r bwriad o roi profiadau proffesiynol newydd i’r myfyrwyr. Diolch i GO Wales, ac yn arbennig i’r myfyrwyr Susanna Bowen, Luke Adams a Richard Beecher am eu holl waith.