Chris Coleman
Cafwyd cadarnhad bod Chris Coleman wedi penodi Kit Symons yn un o hyfforddwyr Cymru.

Mi chwaraeodd Symons 37 o weithiau dros Gymru, ac roedd yn gyd-chwaraewr gyda Coleman yn Fulham.

Tra mae disgwyl I Osian Roberts barhau yn aelod o’r tîm hyfforddi, nid yw Coleman wedi siarad gyda chynorthwy-ydd Gary Speed, Raymond Verheijen.

Mae Symons wedi bod yn gweithio gyda chwaraewyr ifanc academi Fulham.

“Mae’n gwneud gwaith gwych gyda Fulham ar hyn o bryd, gyda’u tîm dan 18,” meddai Coleman. “Maen nhw ar frig eu cynghrair, ac mae ganddyn nhw ddipyn o feddwl ohono yn Fulham.”