Chris Coleman
Yn ogystal â chwaraewyr amlwg fel Aaron Ramsay a Gareth Bale, mae rhai o sêr ifanc Abertawe wedi eu gwahodd i chwarae i dîm Prydain yn y Gemau Olympaidd dros yr haf.

Mae rheolwr newydd Cymru yn poeni am effaith hyn ar obeithion y tîm yn eu gemau rhagbrofol ar gyfer Cwpan y Byd ym mis Medi.

“Rydw i’n ofnus, os ydw i’n bod yn onest,” meddai Chris Coleman.

“Yn ddelfrydol fyddwn i ddim am iddyn nhw fynd, ond fedrwn ni ddim eu hatal nhw.

“Rydw i’n deall safbwynt y chwaraewyr, maen nhw eisiau’r profiad.”

Mi fydd gem derfynol cystadleuaeth gêm bêl-droed Gemau Olympaidd Llundain yn cael ei chwarae ar Awst 11, ac mi fyddai anaf i Ramsay neu Bale yn drychinebus i Gymru.

“Os ân nhw drwodd i’r ffeinal,” meddai Coleman, “yna dau neu dri diwrnod wedyn fe fydd ganddon ni gêm gyfeillgar yn baratoad ar gyfer y gêm ragbrofol ym mis Medi. Felly mae’n un anodd iawn. Rydw i’n credu bod y chwaraewyr yn deall ein safbwynt ni, ein bod yn ceisio eu gwarchod nhw.”

 Y cyfweliad yn ei gyfanrwydd yn rhifyn yr wythnos hon o gylchgrawn Golwg