Ar ôl y siom o gêm gyfartal yn erbyn Chelsea ddydd Mawrth yn Stadiwm y Liberty, bydd Abertawe yn ceisio anghofio am yr hunllef o ildio gôl hwyr a chanolbwyntio ar herio West Brom yfory.
Mae’r Elyrch yn safle rhif 14, a West Brom yn 15.
Yr wythnos hon mewn gêm i’r ail dîm yn erbyn Arsenal fe gafodd Ferrie Bodde ei anafu.
Mae’r chwaraewr canol cae wedi hedfan gartref i’r Iseldiroedd i ymgynghori â llawfeddyg am yr anaf a dioddefodd i’w ben-glin.
‘‘Ar hyn o bryd, gwelwn bod ei ben-glin wedi chwyddo. Bydd rhaid i ni aros iddo wella gyntaf cyn i’r llawfeddyg ddweud wrthym beth yn hollol sydd o’i le,’’ meddai Kate Rees sy’n bennaeth ffisiotherapydd i glwb Abertawe.
Hefyd mae chwaraewr canol cae Abertawe Andrea Orlandi wedi ei anafu ac allan am chwe wythnos.