John Hartson
Mae John Hartson wedi datgan ei fod yn mynd i gau ei gyfrif Twitter.

Dywedodd fod ganddo “resymau personol” am wneud hynny.

“Rwy’n flin i fy holl ddilynwyr dilys ond bydda i yn dod bant o Twitter yn y 48 awr nesaf. Mae da fi resymau fy hunan am wneud hyn.”

Bu Hartson yn drydarwr o fri, ac mae’n gymeriad poblogaidd iawn.

Dywedodd John Hartson wrth Golwg360 bore ma nad oedd am wneud sylw pellach ar y mater.

Daw ei benderfyniad yn sgil pryderon am broblemau sy’n gysylltiedig gyda gwefannau rhyngweithio cymdeithasol.