Bydd y Sunday Sun yn ymddangos yn lle y News of the World
Mae Rupert Murdoch wedi datgan bod News Corporation yn bwriadu ymestyn dyddiau cyhoeddi papur newydd y Sun i ddydd Sul.

Bydd y Sunday Sun yn disodli The News of the World a gaeodd ym mis Gorffennaf y llynedd yn sgil y sgandal hacio ffonau symudol.

Cyhoeddodd hefyd ei fod yn bwriadu cefnogi a pharhau i gyhoeddi papur newydd y Sun, ac y byddai’r dynion a gafodd eu harestio yn cael dychwelyd i’w gwaith.

“Mae gen i barch mawr ar ein hetifeddiaeth, eich newyddiaduraeth wych, ac yn ragor na dim, y merched a dynion talentog sy’n gweithio’n ddiflino bob dydd er mwyn sicrhau bod gan ein darllenwyr ffynhonnell newydd y maen nhw’n gallu ymddiried ynddo,” meddai.

Dywedodd fod y newyddiadurwyr sydd wedi eu harestio ers mis Tachwedd yn “ddieuog nes bod rhywun yn profi fel arall”.

Mae deg o uwch-ohebyddion a swyddogion y Sun wedi eu harestio, ar ôl  honiadau eu bod nhw wedi gwneud taliadau llwgr i swyddogion cyhoeddus.