Cynyddu maint testun

Golwg360

Newyddion



Colli Selwyn Griffith

Awst 10, 2011 13:02, Diweddarwyd am 13:11


Selwyn Griffith (llun Gerallt Llywelyn)
Mae’r cyn-Archdderwydd, Selwyn Iolen, wedi marw yn 83 oed, ychydig ddyddiau wedi diwedd yr Eisteddfod Genedlaethol lle’r oedd yr Archdderwydd presennol wedi dymuno gwellhad iddo.

Roedd y bardd Selwyn Griffith yn dod o Fethel ger Caernarfon ac fe ddaeth yn enwog i ddechrau am sgrifennu darnau adrodd, yn arbennig i blant.

Yn Eisteddfod Genedlaethol Llanrwst, 1989, enillodd y Goron am ddilyniant o gerddi ar y testun “Arwyr” yn sôn am un o’i hoffterau mawr – pêl-droed.

Archdderwydd

Bu’n Archdderwydd am y tro cyntaf yn Eisteddfod Eryri yn 2005 – ac yntau’n fab i chwarelwr, cafodd bleser mawr o arwain yr Orsedd ar dir y ‘lord’ yn stad Faenol.

Enillodd ddeugain o gadeiriau a choronau, gan gynnwys rhai mewn Eisteddfodau Taleithiol megis Dyffryn Conwy, Pontrhydfendigaid a Llanbedr Pont Steffan ac roedd yn gefnogwr mawr i eisteddfodau bach.

Cyhoeddodd wyth cyfrol o farddoniaeth yn arbennig ar gyfer plant a bu’n beirniadu Llên ac Adrodd  dros 400 o weithiau mewn eisteddfodau ledled Cymru.

Doedd Selwyn Iolen ddim wedi gallu mynd i’r Eisteddfod yn Wrecsam oherwydd afiechyd.

Gyrfa athro

Gadawodd yr ysgol yng Nghaernarfon yn 1946, pan alwyd ef  i’r Llu Awyr. Cafodd ei drosglwyddo i RAF Llandwrog i ddiweddu ei wasanaeth milwrol yn 1948 ac yna aeth i weithio i’r hen Gyngor Dosbarth Gwyrfai.

Ar ôl 18 mlynedd, penderfynodd fynd ar Gwrs Athro a bu’n dysgu yng Nghonwy, Bethesda a Llanberis gan dreulio 9 mlynedd yn Ysgol Rhiwlas yn Brifathro.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Ychwanegwch y sylw cyntaf.

Dynodir blychau angenrheidiol â *.

Ni chaiff eich cyfeiriad e-bost ei gyhoeddi. Wrth anfon y ffurflen rydych yn cytuno â thelerau ac amodau Golwg360.