Doc y Gogledd (Benjamin Wright/PA)
Mae cyfeillion wedi talu teyrnged i ddyn ifanc ar ôl i’r heddlu ddod o hyd i’w gorff yn Noc y Gogledd Llanelli.
Cafodd corff y dyn – Jamie Phillips, yn ôl pobol leol – ei dynnu o’r dŵr ar ôl oriau o chwilio gan wylwyr y glannau, plymwyr yr heddlu, a chychod y gwasanaeth tân.
Cafodd Gwylwyr y Glannau Abertawe wybod fod dyn yn y dŵr tua 9am ddoe.
Cadarnhaodd Heddlu Dyfed-Powys ganol y prynhawn eu bod nhw wedi dod o hyd i gorff.
Ers i’r newyddion ddod i’r amlwg mai tua 1,400 o bobol wedi ymuno â thudalen Facebook er cof am Jamie Phillips.
“Mae pawb yn gweld dy eisiau di, roeddet ti yn fachgen ifanc caredig, hwyliog a chariadus,” meddai un sylw.
Mae blodau wedi eu gadael gerllaw’r fan lle y bu Jamie Phillips farw. Dyw hi ddim yn amlwg eto pam ei fod wedi mynd i’r dŵr.
Dywedodd ffynonellau lleol fod yr heddlu yn ymchwilio i adroddiadau ei fod wedi mynd i nofio yn y doc ar ôl i gyfeillion ei annog i wneud hynny.
Dyw Heddlu Dyfed-Powys heb ei enwi eto ond wedi cadarnhau fod corff dyn wedi ei dynnu o Doc y Gogledd.