Llys Ynadon Caerdydd
Mae gwraig o Gaerau wedi pledio’n euog yn Llys Ynadon Caerdydd ar ôl iddi hawlio dros £13,000 o fudd-daliadau drwy dwyll.

Cafodd  Helen O’Hara, o Bantyderi, Caerau, ei herlyn am bum trosedd o dan Ddeddf Gweinyddu Budd-dal Cymdeithasol 1992 ar ôl hawlio Budd-dal tai a Budd-dal Treth Gyngor gwerth £13,072.49, heb iddi fod yn gymwys i’w derbyn, rhwng Tachwedd 2004 a Gorffennaf 2009.

Roedd Helen O’Hara wedi datgan yn ei ffurflenni hawlio budd-dal ei bod yn byw ar ei phen ei hun mewn tŷ oedd wedi ei rentu ar Heol Pantyderi. Ond fe ddarganfuwyd mae ei phartner a thad ei phlant oedd y landlord honedig. Daeth y twyll i’r fei yn ystod ymchwiliad arall i’r landlord honedig.

Cafodd Helen O’Hara  ddedfryd o garchar am naw wythnos, wedi ei ohirio am 12 mis, a 100 awr o waith di-dâl. Bydd hefyd yn gorfod talu costau o £250.

Mae Helen O’Hara, erbyn hyn, wedi symud i ardal Pontyclun.

Dywedodd yr Aelod Gweithredol dros Gymunedau, Tai a Chyfiawnder Cymdeithasol, y Cynghorydd Judith Woodman: “Mae hyn yn brawf clir nad yw Cyngor Caerdydd yn goddef twyll budd-dal. Gobeithiaf y bydd yr erlyniad hwn yn dangos i’r rheiny sydd am hawlio’n dwyllodrus, mai cael eich dal y byddwch chi yn y pen draw.”