Cobra Uk
Mae Aelod Seneddol Ceidwadol Sir Drefaldwyn wedi croesawu’r cyhoeddiad bod cwmni Cobra UK, wedi ennill cytundeb gwerth £12 miliwn gyda chwmni ceir Vauxhall Motors.

Mae’r cytundeb yn golygu y bydd Cobra UK, yn y Trallwng, yn creu 49 o swyddi newydd gan ddod a nifer y  gweithlu  i 100. Fe fydd y swyddi’n cael eu rhannu rhwng y Trallwng a safle Cobra UK yn Wrecsam.

Dywedodd Glyn Davies AS, heddiw: “Mae’r cyhoeddiad am 49 o swyddi newydd i’w groesawu’n fawr yn ystod cyfnod anodd iawn yn economiau gwledydd Ewrop.

“Mae hefyd yn newyddion da bod Vauxhall wedi rhoi archeb mor bywsig i gwmni gwneuthuro yng Nghymru.”