Aamir Siddiqi
Mae’r rheithgor wedi cael eu rhyddhau yn achos y ddau ddyn sydd wedi eu cyhuddo o lofruddio bachgen ysgol o Gaerdydd.
Nid yw’r Wasg yn cael adrodd y rhesymau dros ddod â’r achos i ben dros dro.
Penderfynodd y barnwr yn Llys y Goron Caerdydd heddiw y byddai’r achos yn cael ei ohirio tan y flwyddyn newydd, pan fyddai rheithgor newydd yn cael eu penodi.
Cafodd Aamir Siddiqi 17 oed, er drywanu i farwolaeth yn nrws ei gartref yn ardal Y Rhath, Caerdydd ar 11 Ebrill 2010.
Mae’r ddau ddiffynnydd, Ben Hope a Jason Richards, wedi gwadu’r cyhuddiad o’i lofruddio ef, ac o geisio llofruddio ei rieni ar ôl iddyn nhw ruthro i’r drws i geisio’i achub.
Penderfynodd Mr Ustus Roderick Evans ryddhau’r rheithgor am resymau cyfreithiol.
Mae disgwyl i’r achos newydd gael ei gynnal ar 10 Chwefror 2012.