Gwyn Elfyn oedd yn chwarae rhan Denzil
Trawiad ar y galon laddodd un o gymeriadau mwyaf adnabyddus Pobol y Cwm neithiwr.

Roedd ei ymadawaid wedi bod yn destun cryn heip, gyda hysbysebion yn Gymraeg ar S4C ac yn saesneg ar y BBC.

Mae Gwyn Elfyn wedi bod yn chwarae rhan Denzil Rees ers bron i 28 mlynedd. Cafodd wybod chwe mis yn ôl ei fod yn gadael Pobol y Cwm. Ers hynny, mae ymadawiad Denzil wedi bod yn bwnc llosg ar wefan Twitter ac yn y cyfryngau eraill wrth i wylwyr ddyfalu beth fyddai ei ymadawiad ‘dramatig.’

Roedd gwefan Caban S4C wedi gweld sawl awgrym ar Twitter o sut y byddai Denzil yn marw gan gynnwys -

 -Denzil yn cael dart yn ei lygad gan Mal a Gwynfor

 -Cael ei saethu gan Taffia y Cwm (Garry Monk) tra mewn open top 4x 4

 - Cal ei grysho gan felin wynt sydd yn disgyn oddi ar un o’r loriau mowr ar y ffordd i Benrhewl – Cadno yn dweud ‘told you so’ a boddi mewn lorri gaca.’

Ond trawiad ar y galon laddodd Denzil yny diwedd, wrth iddo fynd i nol llaeth a chacen. Nid y digwyddiad ‘dramatig’ yr oedd rhai yn ei ddisgwyl.

Cafodd ei gyhoeddi ar wefan Caban hediw ‘fod Denzil Rees, mewn golygfa ddirdynnol a bortreadir gan Gwyn Elfyn, yn cwympo’n farw ym mreichiau ei ferch Sioned yn ystod ffrae ddramatig ar y stryd.’

Siarad…

Cafwyd ymateb i’r farwolaeth ar raglen Post Cyntaf  Radio Cymru fore heddiw ac roedd Taro’r Post yn trafod ei ymadawiad. Hefyd, fe fydd Gwyn Elfyn yn ymddangos ym mhennod cyntaf rhaglen Jonathan ar y soffa coch, gyda’r cyn-chwaraeawr rygbi Gerald Davies.

Mae degau o ymatebion wedi’u gadael ar wefan Twitter, rhai yn dymuno ‘hedd i’w lwch’ ac eraill yn trafod   #DiweddDenz a #DiweddDenzil. Dyma ddetholiad:

 “Yn ddi-densiwn daeth #diwedddenzil”

“Ok so nes I wylio pobl y cwm (yn wahanol ir arfer) coz o nhwn addo big event – anticlimax. #diwedddenz” –

“Ar ol hynna i gyd, marw’n mynd i nol peint o laeth…#diweddDenz”