Llysoedd Merthyr
Mae gweithiwr Barclays wedi cyfaddef o flaen llys iddi gymryd mwy na £100,000 o arian yr oedd cwsmer wedi ei fuddsoddi yn y banc.
Roedd Gaynor Russ, 59, o Dreherbert yn y cymoedd wedi cynnal y twyll dros gyfnod o 10 mis nes mis Mai 2008.
Cyfaddefodd i 13 achos o dwyll wrth ymddangos o flaen Llys y Goron Merthyr Tudful ddoe.
Roedd ei gŵr a’i tri o blant yn bresennol wrth iddi gael gwybod ei bod hi’n wynebu carchar am ei throseddau.
Dywedodd yr erlynydd, Rachel Knight, fod Gaynor Russ yn gweithio yng nghangen Treherbert banc Barclays ar y pryd.
Roedd pob trosedd yn ymwneud â chyfri banc cwsmer penodol oedd wedi ei dargedu gan Gaynor Russ.
Gohiriodd y Barnwr Eleri Rees yr achos nes 24 Chwefror er mwyn derbyn adroddiadau cyn ei dedfrydu. Cafodd Gaynor Rees ei rhyddhau ar fechnïaeth ond bu’n rhaid iddo ildio ei phasbort.
Fe fydd yr erlynwyr yn rhoi gwybod faint yn union oedd Gaynor Russ wedi ei ddwyn erbyn y gwrandawiad nesaf.
Dywedodd y Barnwr “mai’r unig reswm y mae hi wedi ei ryddhau ar fechnïaeth yw er mwyn rhoi trefn ar bethau”.