Mae dyn 48 oed wedi ymddangos yn y llys ar gyhuddiad o ymosod yn rhywiol ar ferch yn ei harddegau, meddai’r heddlu.
Fe ddigwyddodd yr ymosodiad honedig ar y ferch 18 oed yn ystod oriau mân 16 Ionawr yn Stryd York, Abertawe, ar ôl i’r ferch fynd i mewn i’r car a gafodd ei yrru i leoliad tu ôl i siop Argos yn y ddinas.
Cafodd y dyn ei arestio yn ardal Dartford yng Nghaint ar 2 Chwefror ar ôl apêl gan yr heddlu.
Cafodd ei gyhuddo o ddau ymosodiad rhywiol difrifol ac fe ymddangosodd gerbron Llys Ynadon Abertawe ddydd Sadwrn.
Cafodd ei gadw yn y ddalfa a bydd yn ymddangos gerbron Llys y Goron Abertawe yn ddiweddarach.