Mae dyn wedi cael ei arestio yn dilyn gwrthdrawiad rhwng dau gar ar y M4 yn ne Cymru.
Digwyddodd y gwrthdrawiad ger cyffordd 24 wrth ymyl Casnewydd.
Bu’n rhaid cau’r draffordd am ugain munud, a’r ffordd yn dilyn o’r draffordd am ugain munud arall a achosodd cryn dagfa i yrwyr oedd yn teithio i gyfeiriad y gorllewin.
Mae’r dyn wedi cael ei arestio ar amheuaeth o fod yn gyrru tra o dan ddylanwad gormod o alcohol.
Aethpwyd a dynes oedd yn gyrru un o’r ceir, sef car Toyota i Ysbyty Brenhinol Gwent yng Nghasnewydd.