Cynyddu maint testun

RSS

Golwg360

Newyddion



Cyngor yn pleidleisio o blaid codi 1,000 o dai ychwanegol

Rhagfyr 4, 2012 17:37, Diweddarwyd am 17:41


Mae Cyngor Sir Ddinbych wedi pleidleisio o blaid codi 1,000 o dai at gynllun codi tai’r cyngor heddiw.

Cafodd y Cynllun Datblygu Lleol ei gymeradwyo yn 2008 ac mae’n cynnwys codi 7,500 o dai erbyn 2021, sydd 1,000 yn brin o amcangyfrif Llywodraeth Cymru ar gyfer y twf mewn poblogaeth meddai’r Cyngor Sir.

Mae’r safleoedd ychwanegol yn cynnwys 169 o dai yn Ninbych, 104 yn Rhuddlan, 172 o dai ar dir Ysbyty HM Stanley yn Llanelwy a 59 yn Rhuthun.

Ond roedd nifer wedi gwrthwynebu’r cynlluniau dadleuol gan ddweud nad oes angen y tai ac y bydden nhw’n amharu ar gymunedau cefn gwlad.

Wythnos ddiwethaf bu llifogydd yn rhan isaf Llanelwy yn dilyn glaw trwm, a bu stad newydd sbon Glasdir yn Rhuthun dan ddŵr ar ôl i amddiffynfeydd gael eu gorlifo gan yr Afon Clwyd.

Mae Asiantaeth yr Amgylchedd a Chyngor Sir Ddinbych yn cynnal ymchwiliad ar hyn o bryd i’r llifogydd yn y Glasdir oedd i fod â siawns o ddioddef llifogydd unwaith mewn 1,000 o flynyddoedd.

Roedd yr adroddiad oedd gerbron y Cyngor heddiw yn dadlau na fydd y 1,000 o dai newydd yn ychwanegol at y nod o godi 7,500 o dai ond yn hytrach yn “darparu mwy o gyfle a hyblygrwydd i’r farchnad gwrdd â’r ffigwr yna dros gyfnod y Cynllun Unedol.”

Mae hefyd yn cydnabod y bydd hi’n annhebyg yn yr hinsawdd economaidd bresennol y bydd galw am 7,500 o dai ychwanegol erbyn 2021, ond “nad lle’r Cynllun Datblygu Lleol yw dyfalu cyflwr yr economi ond yn hytrach i ddarparu uchafswm ar gyfer y galw a darparu tir ar ei gyfer.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.