Cynyddu maint testun

Golwg360

Newyddion



Mudiad newydd i wrthwynebu’r mewnlifiad

Rhagfyr 7, 2012 13:06, Diweddarwyd am 13:09


Bydd corff newydd yn cael ei lansio yn y flwyddyn newydd i wrthwynebu codi 332,000 o dai newydd yng Nghymru, ac i bwyso am reolaeth lwyr o adnoddau fel dŵr a thrydan.

Bwriad Mudiad Hawliau Cenedlaethol Cymru yw torri’r gyfraith er mwyn “mynnu bod Cymru yn cael yr hawl i fyw fel cenedl”.

“Yn ystod y flwyddyn i ddod byddwn yn herio bwriad y Llywodraeth i godi 332,000 o dai newydd yng Nghymru dros y pymtheg mlynedd nesaf, bwriad bydd yn denu yn agos i filiwn arall o fobl i Gymru a hynny heb unrhyw feddwl am yr effaith bydd hynny’n gael ar ein cymunedau,” meddia Geoff Ifans o’r Mudiad newydd.

“Bwriadwn hefyd lawnsio ymgyrch dros sicrhau reolaeth cenedlaethol dros ein dŵr ag ynni. Mae gan Gymru lywodraeth yn ein prif ddinas a dyna’r llywodraeth ddylai gael reolaeth lwyr dros ein hadnoddau. Mae’n hen bryd i Gymru cael ei thalu am y dŵr a’r trydan ry’n ni’n allforio i Loegr er mwyn defnyddio’r arian i leihau biliau’r Cymry a gosod sylfaen tecach i ddenu cwmniau i ymsefydlu yma.”

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Gail Bach, Felinheli , Rhagfyr 7, 2012 1:43 pm

Ie, da iawn, cytuno â chi. Haws gen i gefnogi mudiad fel hyn na rhyw fudiad snobs fel DYFODOL, sydd â mwy o ‘chiefs nag Indians’.

§| Nodi camddefnydd

Dafydd , Rhagfyr 7, 2012 4:26 pm

332 mil o dai newydd? Gwallgofrwydd……os ydych eisiau gweld parhad Cymru fel cenedl.

§| Nodi camddefnydd

Guto , Rhagfyr 7, 2012 10:30 pm

Maddeuwch i mi am fod yn aflednais, ond mae gen i atebion syml i’w cynnig: mae’n rhaid i’r Cymry Cymraeg genhedlu mwy, a dylai’r dosbarth canol roi’r gorau i folicodlo’u plant, achos o’r dosbarth hwnnw y bydd ein harweinwyr yn gorfod dod, yn anffodus. Da ni’n rhy wantan o lawer fel cenedl.

§| Nodi camddefnydd

Dafydd , Rhagfyr 8, 2012 9:30 am

Guto,
Sdim ots faint o genhedlu wneith y Cymry….cenedl fach ydym sydd yn byw ddrws nesa’ i un llawer iawn yn fwy sy’n fwy cyfoethog. Mae nhw’n gallu prynnu beth a myn nhw yn ein gwlad…..tai, busnesau, beth bynnag…..ac mae llawer o honynt eisiau symud yma gan ei fod hi’n rhatach. Ac o beth dwi wedi gweld, does fawr ddim ohonynt eisiau dod yma achos eu bod eisiau profi’r diwylliant neu ddysgu’r iaith. Mae’n rhaid i’n ‘llywodraeth’ ni wneud rhywbeth am y peth neu pennod bach byddwn mewn llyfr hanes cyn bo hir.

§| Nodi camddefnydd

Lewis , Rhagfyr 8, 2012 10:53 am

Na fydd hyn yn ystyr bron miliwn o bobl yn dod i Gymru, ond llawer mwy tai gwag. Er mwyn Duw, dysgwch oddi wrth Gernyw, paid a gwneud yr un camgymeriadau! Troi cenedl cyfan i mewn ghost town yn ystod misoedd y gaeaf.

§| Nodi camddefnydd

Dafydd , Rhagfyr 8, 2012 11:01 am

Gan dy fod ti Lewis yn son am ail-gartrefi, mae’n ddiddorol nodi fod hyn yn oed bwrdeisdref Camden yn Llundain yn dechrau mynd i’r afael a’r broblem o ail gartrefi. Beth sydd mlan gyda ein gwleidyddion ni yng Nghymru?

“Bringing empty homes back into use is a key priority for Camden,” the council said.

O wefan y BBC heddiw.

§| Nodi camddefnydd

Jim Dunckley , Rhagfyr 9, 2012 10:42 pm

Fel aelod o’r mudiad leiciwn pwysleisio nid torri’r gyfraith yw brif nod y mudiad hon. Nid ydym yn erbyn defnyddio tactegau anufudd-dod sifil di-drais os bydd angen, ond mae’n bwysig pwysleisio ei fod yn bosib defnyddio lawer o dactegau gwahanol i amddiffyn ein hawliau ni.

Mae broses democrataidd gyda ni a fydden ni’n anelu at ddefnyddio’r broses hon i ddiogelu ein cymunedau lle bynnag y mae hi’n bosib.

§

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Dynodir blychau angenrheidiol â *.

Ni chaiff eich cyfeiriad e-bost ei gyhoeddi. Wrth anfon y ffurflen rydych yn cytuno â thelerau ac amodau Golwg360.