Mae teyrngedau wedi cael eu rhoi i’r athro fu farw mewn damwain bws oedd yn cludo plant ysgol yn ôl daith sgïo yng ngogledd Ffrainc.
Bu farw Peter Rippington, 59 oed, a chafodd dwsinau eraill eu hanafu ar ôl i’w bws droi drosodd ger dinas Reims yn ardal Champagne-Ardenne yn ystod oriau man bore ddoe.
Mae profion ar yrrwr y bws, a gafodd fân anafiadau, yn dangos nad oedd o dan ddylanwad alcohol neu gyffuriau ond mae’r heddlu’n ymchwilio i’r posibilrwydd y gallai fod wedi syrthio i gysgu tra’n gyrru.
Dywed Heddlu Ffrainc bod y gyrrwr yn cael ei holi yn Chalons-en-Champagne.
Cafodd gwraig Peter Rippington, Sharon, a’u merch Amy hefyd eu hanafu yn y ddamwain – roedd y bws yn cludo 29 o ddisgyblion o Ysgol Alvechurch yn Swydd Gaerwrangon.
Roedd pedwar o bobl yn cael triniaeth am anafiadau difrifol neithiwr. Yn ôl rhai adroddiadau, mae 10 o bobl yn parhau yn yr ysbyty heddiw.
Dywedodd teulu Peter Rippington eu bod wedi tristau yn ofnadwy gan ei farwolaeth a’i fod yn ddyn “bendigedig”.