Mae’r gyrrwr bws fu mewn damwain tra’n cludo plant ysgol yn ôl o daith sgio yn Ffrainc yn dweud nad ydy’n cofio unrhyw beth  am y ddamwain.

Mae’r gyrrwr, sydd wedi cael ei enwi mewn rhai adroddiadau fel Derek Thompson, 47 oed,  yn cael ei holi ynglŷn â dynladdiad anfwriadol ac anafu anfwriadol.

Cafodd yr athro Peter Rippington, 59, ei ladd yn y ddamwain ar ôl i’r bws droi drosodd ar draffordd ger Rheims yn ardal Champagne-Ardenne ddydd Sul. Roedd ei wraig Sharon a’i ferch Amy ymhlith y  rhai gafodd eu hanafu yn y ddamwain.

Roedd y bws yn cludo 29 o ddisgyblion o Ysgol Alvechurch yn Swydd Gaerwrangon.