Alex Salmond
Mae arolwg barn newydd gan Ipsos-MORI i’r Times wedi datgan fod 39% o etholwyr yr Alban o blaid annibyniaeth – cynnydd o 1% yn unig ers ymchwil diwethaf y cwmni ym mis Rhagfyr.
Roedd y cwestiwn gafodd ei holi ar gyfer yr arolwg barn yr un fath a’r hyn roedd Prif Weinidog yr Alban Alex Salmond wedi ei gynnig wythnos diwethaf sef: “ydych chi’n cytuno y dylai’r Alban fod yn wlad annibynol?’
Ar gyfer yr arolwg barn ym mis Rhagfyr, fe ofynwyd: “Ydych chi’n cytuno neu’n anghytuno gyda’r cynnig i ymestyn pwerau Senedd yr Alban er mwyn caniatau i’r Alban ddod yn wlad annibynol, na fyddai’n rhan o’r DU.”
Llai yn dweud na
Er na fu cynnydd mawr yn y rhai sy’n ateb ‘ie,’ dim ond 50% oedd o blaid cadw’r undeb, i lawr o 57% yn yr arolwg barn blaenorol.
Er hynny, roedd 82% o’r rhai o blaid yr undeb yn honni eu bod nhw yn annhebyg o newid eu meddwl.
Roedd 69% o’r rhai o blaid annibyniaeth yn dweud eu bod yn annhebyg o newid eu meddwl.