John Terry
Mae achos llys yn erbyn John Terry wedi ei ohirio tan fis Gorffennaf 2012.

Cyhuddwyd y pêl-droediwr, sy’n gapten i dîm Lloegr, o sarhad hiliol yn erbyn Anton Ferdinand o QPR, ar Hydref 23, 2011.

Penderfynodd y barnwr rhanbarthol Howard Riddle y dylai’r achos gychwyn ar Orffennaf 9 ar ol cael arddeall  na fuasai chwaraewyr Chelsea yn gallu ymddangos fel tystion tan ddiwedd y tymor pêl-droed.

Mae Terry yn wynebu dirwy o hyd at £2,500 os yn euog. Mae e wedi gwadu’r cyhuddiadau.

Mi fydd pencampwriaeth Ewro 2012 yn cychwyn ar Orffennaf 1.

Gwadu

Mewn datganiad, dywedodd ei gyfreithwyr fod “John Terry yn edrych ymlaen at y cyfle i glirio ei enw.

“Mae John Terry yn gwadu gwneud unrhyw ddatganiad hiliol, a bydd yn dangos yn y llys nag yw’n euog o’r fath drosedd. Dyw John Terry erioed wedi sarhau chwaraewr yn hiliol,” meddai.