Dobson a Norris
Mae’r Twrne Cyffredinol wedi dweud bod y dedfrydau a gafodd Gary Dobson a David Norris am lofruddio Stephen Lawrence yn “briodol” ac na fydd yn eu cyfeirio i’r Llys Apêl.
Dywedodd y Twrne Cyffredinol Dominic Grieve ei fod yn deall pam bod rhai yn anhapus gyda’r dedfrydau a gafodd y ddau sy’n dadlau eu bod yn rhy “hael” ond dywedodd bod yn rhaid ystyried oedran y ddau pan gyflawnwyd y drosedd.
Dywedodd ei fod wedi penderfynu peidio cyfeirio’r achos i’r Llys Apel ar ol “ystyriaeth gofalus.”
Daw’r cyhoeddiad yn dilyn y newyddion yn gynharach yr wythnos hon bod Dobson a Norris yn ceisio herio’r dedfrydau a gawson nhw am lofruddio’r myfyriwr croenddu o Lundain mewn ymosodiad hiliol.
Cafodd y ddau ddedfryd o garchar am oes yn yr Old Bailey ym mis Rhagfyr.
Fe fydd Dobson, 36, yn gorfod treulio o leiaf 15 mlynedd a 2 fis dan glo, a Norris, 35, o leiaf 14 mlynedd a 3 mis yn y carchar.