Rupert Murdoch - perchennog y Sun
Mae argraffiad cyntaf o bapur newydd y Sun ar y Sul yn yr Alban yn honni mai dydd Sadwrn 18 Hydref 2014 y bydd y refferendwm am annibynniaeth i’r wlad yn cael ei gynnal.
Mae’r stori dudalen flaen yn dyfynnu “ffynhonnell o fewn y llwyodraeth” sy’n dweud “Dyma’r diwrnod sy’n cael ei nodi fel y dydd y bydd pobl yn cael pleidleisio dros annibynniaeth a chydraddoldeb yn yr Alban.”
Mae llywodraeth yr Alban wedi dweud bod y dyddiad yma yn bosibl gan nodi eu bod wedi cyhoeddi eisoes eu bod am gynnal y refferendwm yn ystor tymor yr hydref 2014.
Dros y ffin yn Lloegr, cyfweliad efo’r gyflwynwraig Amanda Holden sydd ar y dudalen flaen. Mae’n adrodd sut y bu iddi bron a marw wrth eni ei merch yn ddiweddar.
Mae rhai pethau yn gyffredin i’r ddau bapur beth bynnag.
Mae Katie Price, neu’r fodel Jordan, yn un o’r colofnwyr ac yn talu teyrnged i Marie Colvin, gohebydd y Sunday Times laddwyd yn Syria yn ystod yr wythnos gan ddweud ei bod yn union y fath o ddynes sy’n gwneud argraff arni .
Ymhlith y colofnwyr eraill mae’r cogydd Heston Blumenthal, Archesgob Efrog, John Sentamu a Nancy Dell’Olio, sy’n ysgrifennu colofn ffasiwn.
Golygydd y Sun dyddiol, Dominic Mohan fydd golygydd y papur Sul hefyd.
Mae deg newyddiadurwr sydd wedi neu yn gweithio i’r Sun ymhlith y 30 sydd wedi cael eu harestio hyd yma fel rhan o ymchwiliadau’r heddlu i hacio ffonau.
Mae golygyddol y Sun ar y Sul yn dweud “Yr ydym yn credu bod yr unigolion yma yn ddi-euog hyd nes y cawn nhw eu profi’n euog”.