Cynyddu maint testun

Golwg360

Newyddion



Plaid Unoliaethol o blaid cynnal pôl ar uno Iwerddon

Ionawr 22, 2013 16:30


Gerry Adams
Mae’r blaid unoliaethol fwyaf yng Ngogledd Iwerddon wedi awgrymu y byddai’n cefnogi cynnal pôl ar statws y dalaith, er mwyn rhoi taw ar y mater a datgelu “gwleidyddiaeth ffantasi” y gweriniaethwyr.

Yn ôl y DUP byddai cynnal pôl yn gorfodi Sinn Fein i ddangos ei chardiau ar ôl i’r blaid weriniaethol lansio ymgyrch o blaid cynnal refferendwm ar uno’r gogledd gyda’r Weriniaeth yn ystod tymor nesaf cynulliad Stormont.

Mae Gerry Adams, sydd wedi cyhoeddi ei fod am barhau yn arweinydd ar y blaid am dair blynedd arall o leiaf, wedi dweud y byddai uno Iwerddon yn gwneud synnwyr economaidd a gwleidyddol.

Ond yn ôl Gweinidog Gogledd Iwerddon dros yr Economi, Arlene Foster o’r DUP, byddai cynnal pôl heddiw yn “rhoi ateb i Sinn Fein,” ac mae wedi trafod y mater gyda Peter Robinson Prif Weinidog y dalaith.

“Byddwch yn ofalus o’r hyn ry’ch chi’n ei ddymuno, dywedaf i wrth Sinn Fein,” meddai Arlene Foster.

“Os byddai pôl heddiw yng Ngogledd Iwerddon byddai mwyafrif clir iawn, iawn o blaid aros yn rhan o’r Deyrnas Gyfunol,” meddai.

Dan Gytundeb Gwener y Groglith gall Ysgrifennydd Gogledd Iwerddon orchymyn pôl os creda fod tystiolaeth gref o blaid newid cyfansoddiadol.

Mae dyfodol y Deyrnas Gyfunol eisoes yn y fantol gyda refferendwm ar annibyniaeth i’r Alban y flwyddyn nesaf.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.