Mae trigolion dau bentref yng Nghernyw wedi prynu eu swch eu hunain fel nad ydyn nhw’n cael eu caethiwo dan flanced o eira yn ystod y gaeaf.

Mae pentrefi Badgall a Laneast wedi codi £2,650 er mwyn prynu’r swch eira a lledaenydd graean mecanyddol.

Bydd dau ffarmwr yn yr ardal yn cael hyfforddiant er mwyn gallu gweithio’r swch os yw’n bwrw eira’n drwm.

Dywedodd Grŵp Gweithredu Badgall a Laneast (Blag) eu bod nhw wedi penderfynu mynd amdani ar ôl methu gadael eu tai yn y pentrefi diarffordd yn dilyn yr eira trwm yn ystod gaeaf 2009/10 a 2010/11.

“Ein nod ni oedd cael y gallu i ail-agor y ffyrdd cyn gynted a bo modd yn dilyn eira trwm,” meddai Pete Stephenson o’r grŵp.

“Roedd yr apêl yn llwyddiannus iawn ac roedd arian dros ben er mwyn prynu pedwar tunnell o halen.

“Rydyn ni wrth ein bod y swch eira a’r lledaenydd graen wedi cyrraedd cyn i ni gael unrhyw eira.”