Seif Al-Islam
Mae mab Muammar Gaddfi, Seif al-Islam, wedi ei ddal heddiw wrth deithio ar draws anialwch deheuol Libya.

Dywedodd llefarydd ar ran y rhyfelwyr a ddaeth o hyd iddo fod Seif al-Islam tua 30 milltir i’r gorllewin o dref Obari ac yn ceisio ffoi o i Niger gerllaw.

Roedd y Llys Troseddol Rhyngwladol wedi cyhuddo Gaddafi, Seif al-Islam a chyn-bennaeth cudd-wybodaeth Libya, Abdullah al-Senoussi, o droseddau yn erbyn y ddynoliaeth.

Yn dilyn marwolaeth Gaddafi a chaethiwo Seif al-Islam dim ond Abdullah al-Senoussi sydd bellach ar ffo.

Mae teledu Libya wedi cyhoeddi llun o Seif al-Islam yn y ddalfa. Mae’n eistedd ar wely ac yn dal tri bys wedi’u rhwymo, gan arwain at ddyfalu ei fod wedi colli rhan o’i fysedd yn ystod y brwydro.

Dywedodd Mohammed al-Alagi, gweinidog cyfiawnder y llywodraeth newydd, fod Seif al-Islam yn cael ei gadw yn nhref Zintan ond y byddai yn cael ei drosglwyddo’n ôl i’r brifddinas Tripoli yn fuan.

Mae Seif al-Islam Gaddafi yn 39 oed ac ef yw plentyn hynaf  Muammar Gaddafi o’i ail briodas â Safiya Gaddafi. Mae’n un o wyth o blant.