Mae rocedi wedi cael eu saethu at ogledd Israel o gyfeiriad Lebanon, ac mae o leia’ dau ohonyn nhw wedi taro tir Israelaidd, yn ôl lluoedd Israel.

Cafodd y tri roced eu tanio yn gynharach y bore ’ma – y rhai cyntaf  o Lebanon ers Hydref 2009.

Dyw hi ddim yn ymddangos fod neb wedi cael eu hanafu  hyd yn hyn.

Dyw lluoedd Israel yn dweud dim ynglyn â phwy sy’n cael eu hamau o danio’r rocedi. Ond maen nhw wedi dweud nad ydyn nhw’n disgwyl i’r digwyddiad fod yn ddechreuad ar wrthdaro ehangach.

Ond yn eu datganiad, dywedodd lluoedd Israel fod yr ymosodiad yn un “difrifol”.

Yn ôl y cyfryngau lleol, dyma’r wythfed ymosodiad  ers i ryfel Israel â byddin Hezbollah yn Lebanon ddod i ben yn Awst 2006.