Mae o leiaf 11 o bobol wedi eu lladd wrth i seiclon daro arfordir de-ddwyreiniol India.
Roedd gwyntoedd cryfion yn mesur 85 milltir yr awr wedi codi coed o’u gwreiddiau a chwalu cartrefi.
Roedd Seiclon Thane wedi’i angori yng nghefnfor yr India, 22 milltir i’r de-orllewin o dref Pondicherry.
Cafodd y rhan fwyaf o’r 11 eu lladd wrth i waliau ddymchwel a thrwy drydanladdiad, meddai swyddog.
Bu’r tywydd garw yn fwrn ar drenau ac awyrennau’r rhanbarth hefyd.
Dywedodd swyddfa’r tywydd bod disgwyl i’r moroedd ffyrnigo ar hyd arfordir Pondicherry a’r cyffiniau, a rhoddwyd rhybudd i bysgotwyr beidio â meiddio mentro allan.
Y disgwyl yw y bydd y storm yn gostegu a symud i’r gorllewin.