Mae bron i 240 o bobl wedi cael eu hachub ar ôl i long fferi suddo yn Papua New Guinea gyda oddeutu 350 o bobl ar ei bwrdd.

Mae awyren o Awstralia, tri hofrennydd ac wyth llong wedi dechrau chwilio’r ardal ar ôl i’r MV Rabaul Queen suddo ar doriad gwawr tra’n teithio o Kimbe ar ynys New Britain i ddinas Lae ar y brif ynys, yn ôl Awdurdod Morwrol Awstralia.

Dywedodd Prif Weinidog Papua New Guinea Peter O’Neill nad yw achos y ddamwain  yn hysbys.

Yn ôl rhai adroddiadau roedd y rhan fwyaf o’r teithwyr ar y llong yn fyfyrwyr ac athrawon dan hyfforddiant.

Mae’r chwilio yn parhau.