Arlywydd newydd y Maldives, Mohammed Waheed Hassan
Mae cyn Arlywydd y Maldives, Mohamed Nasheed, wedi dweud ei fod wedi cael ei orfodi o’i swydd ac mae wedi galw ar ei olynydd i ymddiswyddo ar unwaith.

Cafodd Mohamed Nasheed gymeradwyaeth wrth iddo annerch torf o 2,000 o aelodau o’i blaid yn y brifddinas Male, ddiwrnod ar ôl iddo ymddiswyddo pan ymunodd yr heddlu â phrotestwyr yn erbyn ei lywodraeth ar strydoedd y brifddinas.

Cafodd ei olynu gan ei gyn  is-lywydd Mohammed Waheed Hassan sy’n gwadu honiadau bod na gynllwyn i ddisodli Mohamed Nasheed.

Mae Plaid Ddemocrataidd y Maldives wedi datgan mai Mohamed Nasheed  yw ei harweinydd ac mae nhw wedi cyhoeddi na fyddan nhw’n ymuno â chlymblaid.

Mae Nasheed wedi galw ar farnwr i gynnal ymchwiliad i’r rhai mae o’n honni sy’n gyfrifol am ei ddisodli.