Christian Wulff
Mae Arlywydd yr Almaen, Christian Wulff, wedi penderfynu rhoi’r ffidil yn y to yn dilyn honiadau ei fod wedi derbyn cymwynasau cyn iddo gael ei ethol.

Mae’r penderfyniad yn un ffwdanus i’r Canghellor, Angela Markel, a fydd yn gorfod dewis olynydd wrth geisio datrys problemau ariannol parth yr Ewro.

Cyhoeddodd Christian Wulff ei fod yn ymddiswyddo heddiw ar ôl i erlynyddion wneud cais i’r Senedd iddo golli ei imiwnedd.

Mae’n rhoi’r gorau iddi ar ôl llai na dwy flynedd yn y swydd. Ef oedd ymgeisydd Angela Markel i’r swydd yn 2010.

Bydd yn rhai i gynulliad seneddol y wlad ethol olynydd o fewn 30 diwrnod.

Dywedodd erlynyddion eu bod nhw’n amau bod Wulff wedi derbyn buddion amhriodol gan gynhyrchydd ffilmiau.

Wrth gyhoeddi ei benderfyniad i ymddiswyddo dywedodd Christian Wulff fod angen arlywydd “y mae’r mwyafrif yn gallu ymddiried ynddo”.

Cyn cael ei ethol yn arlywydd roedd Wulff yn ddirprwy arweinydd plaid geidwadol Angela Markel.